ಲಕ್ಷ್ಮೇಶ್ವರ : ಸುತ್ತಮುತ್ತಲೂ ಎಲ್ಲಿ ನೋಡಿದರೂ ಶಿವ ಲಿಂಗಗಳು ಈಗಾಗಲೇ ಲಕ್ಷಕ್ಕೂ ಹೆಚ್ಚು ಶಿವಲಿಂಗ ಸ್ಥಾಪನೆಯಾಗಿದ್ದು ಒಟ್ಟು ಮೂರು ಕೋಟಿ ಶಿವಲಿಂಗ ಸ್ಥಾಪನೆಗೆ ಸಜ್ಜಾಗಿನಿಂತದೆ ಮುಕ್ತಿ ಮಂದಿರ.
ಗದಗ ಜಿಲ್ಲೆಯ ಲಕ್ಷ್ಮೇಶ್ವರದ ಮುಕ್ತಿಮಂದಿರ ಧರ್ಮಕ್ಷೇತ್ರದಲ್ಲಿ ತ್ರಿಕೋಟಿ ಶಿವಲಿಂಗ ಶಂಕು ಸ್ಥಾಪನೆ ನಡೆಸಲಾಗಿದೆ ಇಂದು ಭೂಮಿ ಶುದ್ದೀಕರಣಕ್ಕಾಗಿ ಹೋಮ ಹವನ, ವಾಸ್ತುಹೋಮ, ಗಣ ಹೋಮ, ನವಗ್ರಹ ಹೋಮಗಳನ್ನು ಶ್ರೀಗಳ ನೇತೃತ್ವದಲ್ಲಿ ನಡೆಸಲಾಯಿತು.ಈ ಕಾರ್ಯಕ್ರಮಕ್ಕೆ ನಾಡಿನ ಮೂಲೆ ಮೂಲೆಗಳಿಂದ ಸಹಸ್ರಾರು ಸಂಖ್ಯೆಯಲ್ಲಿ ಭಕ್ತರು ಭೂಮಿಪೂಜೆ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.
ಲಕ್ಷ್ಮೇಶ್ವರದ ಮುಕ್ತಿ ಮಂದಿರದಲ್ಲಿ ಈಗಾಗಲೇ ಲಕ್ಷಕ್ಕೂ ಹೆಚ್ಚು ಶಿವಲಿಂಗಗಳು ಭಕ್ತರು ಕಣ್ಣಿಗೆ ಕಾಣಿಸುತ್ತಿವೆ ಬರುವ ದಿನಗಳಲ್ಲಿ ಭಕ್ತರ ಸಹಾಯ ಸಹಕಾರದಿಂದ ಒಟ್ಟು 3 ಕೋಟಿ ಶಿವಲಿಂಗಗಳನ್ನು ಸುಮಾರು 50 ಎಕರೆ ಭೂಮಿಯಲ್ಲಿ ಸ್ಥಾಪಿಸುವ ಸಂಕಲ್ಪ ಮಾಡಲಾಗಿದೆ.
ಬರುವ ದಿನಗಳಲ್ಲಿ ಭರದಿಂದ ಶಿವಲಿಂಗಗಳ ಸ್ಥಾಪನೆಯ ಕಾರ್ಯಗಳು ಭರದಿಂದ ಜರುಗಲಿವೆ ಎಂದು ತುಮಕೂರಿನ ನೊಣವಿನಕೆರೆ ಕಾಡಸಿದ್ಧೇಶ್ವರ ಮಠದ ಡಾ. ಕರಿವೃಷಭದೇಶೀಕೇಂದ್ರ ಶಿವಾಚಾರ್ಯ ಸ್ವಾಮೀಜಿ ಮಾಹಿತಿ ನೀಡಿದ್ದಾರೆ.
