ಗದಗ: ಡಾ. ಬಿ ಆರ್ ಅಂಬೇಡ್ಕರ್ ಪುಥ್ಥಳಿ ಪ್ರತಿಷ್ಠಾಪನೆ ಮಾಡದ ಹಿನ್ನೆಲೆಯಲ್ಲಿ ಇಂದು ಪುರಸಭೆಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ನಡೆಸಿದ ಘಟನೆ ಜಿಲ್ಲೆಯ ಮುಂಡರಗಿ ಪಟ್ಟಣದಲ್ಲಿ ನಡೆದಿದೆ.
ಪಟ್ಟಣದ ಪೊಲೀಸ್ ಮೈದಾನದ ಪಕ್ಕದ ಉದ್ಯಾನವನದಲ್ಲಿ ಅಂಬೇಡ್ಕರ್ ಪುಥ್ಥಳಿ ನಿರ್ಮಾಣ ಮಾಡಲು ಮುಂಡರಗಿ ಪುರಸಭೆಯಲ್ಲಿ ಅಕ್ಟೋಬರ್ 22, 2021 ರಲ್ಲೇ ಮೂರ್ತಿ ಪ್ರತಿಷ್ಠಾಪನೆಗೆ ಠರಾವು ಪಾಸುಮಾಡಿದ್ದರು ಆದರೆ
ಈವರೆಗೂ ಮೂರ್ತಿ ಪ್ರತಿಷ್ಠಾಪನೆ ಮಾಡದ ಹಿನ್ನೆಲೆ ಪ್ರತಿಭಟನೆಯಲ್ಲಿ ಇಂದು ಅಂಬೇಡ್ಕರ್ ಅಭಿಮಾನಿ ಬಳಗದವರು ಪುರಸಭೆಗೆ ಮುತ್ತಿಗೆ ಹಾಕಿ ಪುರಸಭೆ ಗೇಟ್ ದೂಡಿಕೊಂಡು ಒಳನುಗ್ಗಿ ತಮಟೆ ಬಾರಿಸುತ್ತಾ ಪ್ರತಿಭಟಿಸಿ ತಮ್ಮ ಆಕ್ರೋಶ ಹೊರಹಾಕಿದ ಪ್ರತಿಭಟನಾಕಾರರು ಪುಥ್ಥಳಿ ಪ್ರತಿಷ್ಠಾಪನೆಗೆ ಭೂಮಿ ಪೂಜೆ ಮಾಡುವಂತೆ ಗಡುವು ನೀಡಿದ್ದ ಸಂಘಟನೆಗಳು ಗಡುವು ಮುಗಿದಿದ್ದರಿಂದ ಇಂದು ಪುರಸಭೆಗೆ ಮುತ್ತಿಗೆ ಹಾಕಿದರು.
ಸ್ಥಳದಲ್ಲಿ ತಹಶಿಲ್ದಾರರ ಧನಂಜಯ ಮಾಲಗಿತ್ತಿ ಮತ್ತು ಸಿಪಿಐ ಮಂಜುನಾಥ ಹಾಜರಿದ್ದರು.
ಸ್ಥಳಕ್ಕೆ ಉಪವಿಭಾಧಿಕಾರಿಗಳು ಬರುವಂತೆ ಬಿಗಿ ಪಟ್ಟು ಹಿಡಿದ ಪ್ರತಿಭಟನಾಕಾರರು.